"Yaşıllıqlara dəymiş ziyanın hesablanması və ödənilməsi
Qaydası"nın təsdiq edilməsi haqqında
"Yaşıllıqlara dəymiş ziyanın hesablanması və ödənilməsi Qaydası"nın təsdiq edilməsi haqqında" Azərbaycan Respublikası Nazirlər Kabinetinin 2016-cı il 27 oktyabr tarixli 421 nömrəli qərarına uyğun olaraq Naxçıvan Muxtar Respublikasının Nazirlər Kabineti qərara alır:
"Yaşıllıqlara dəymiş ziyanın hesablanması və ödənilməsi Qaydası" təsdiq edilsin (əlavə olunur).
Naxçıvan Muxtar Respublikasının
Baş naziri: Ə.Baxşıyev
«18» noyabr 2016-cı il
№ 111
Naxçıvan Muxtar Respublikası Nazirlər
Kabinetinin 2016-cı il "18" noyabr tarixli
111 nömrəli qərarı ilə təsdiq edilmişdir
Yaşıllıqlara dəymiş ziyanın hesablanması və ödənilməsi
QAYDASI
1. Ümumi müddəalar
1.1. Bu Qayda meşə fondu torpaqlarında, xüsusi mühafizə olunan təbiət əraziləri və obyektlərində olan yaşıllıqlar, xüsusi mülkiyyətdə olan həyətyanı və bağ sahələrindəki yaşıllıqlar, habelə kənd təsərrüfatı məhsulları istehsalı üçün istifadə edilən bitkilərdən ibarət yaşıllıqlar (əkinlər) istisna olmaqla, muxtar respublika ərazisindəki yaşıllıqlara dəymiş ziyanın hesablanması və ödənilməsi mexanizmini müəyyən edir.
1.2. Bu Qaydanın tələblərinin pozulmasına görə təqsirkar olan fiziki, vəzifəli və hüquqi şəxslər qanunvericiliyə uyğun olaraq məsuliyyət daşıyırlar.
2. Yaşıllıqlara dəymiş ziyanla bağlı məsuliyyət
2.1. Yaşıllıqların mühafizəsi sahəsində qanunvericiliyin pozulmasında təqsirkar olan fiziki, vəzifəli və hüquqi şəxslər yaşıllıqlara dəymiş ziyanla bağlı aşağıdakı hallarda maddi məsuliyyətə cəlb edilirlər:
2.1.1. yaşıllıqların zədələnməsinə, yəni bitkilərin boy artımının və inkişafının dayanmasına gətirib çıxarmayan fiziki və digər təsirlər nəticəsində bitkilərin çətirinin, kök sisteminin, gövdəsinin və ya torpaqüstü canlı hissəsinin tamlığının pozulması, həmçinin yaşıllıq ərazisində torpağın, su və hava mühitinin zəhərli maddələrlə çirklənməsinə görə;
2.1.2. yaşıllıqların məhv edilməsinə, yəni bitkilərin boy artımının və inkişafının dayanmasına səbəb olan hərəkətə (hərəkətsizliyə) görə;
2.1.3. yaşıllığın götürülməsi vərəqi olmadan qanunvericilikdə nəzərdə tutulan hallar istisna olmaqla, ağac, kol və digər bitkilərin yerinin dəyişdirilməsi (kökündən çıxarılması) və ya bərpa edilməsi şərtilə götürülməsinə (kəsilməsinə) görə;
2.1.4. yaşayış məntəqələrində, respublika və yerli əhəmiyyətli avtomobil yollarının, dəmir yolunun, su obyektlərinin və su təsərrüfatı obyektlərinin (su anbarları da daxil olmaqla) mühafizə zolaqlarında yerləşən yaşıllıq sahələrində davar, iribuynuzlu mal-qara və atların otarılmasına görə;
2.1.5. yaşıllıqların salınması üçün nəzərdə tutulan tingliklərdə və böyütmə yerlərində toxmacarların, tinglərin, gül-çiçəklərin və ot bitkilərinin məhv edilməsinə görə;
2.1.6. yaşıllığın, bələdiyyələrin istifadəsində olan torpaq sahələrinə münasibətdə Naxçıvan Muxtar Respublikasının mərkəzi icra hakimiyyəti orqanları, digər torpaq sahələrinə münasibətdə isə Naxçıvan Muxtar Respublikasının yerli icra hakimiyyəti orqanlarının yaşıllığın götürülməsi haqqında qərarlarında başqa əraziyə köçürülməsi əks olunduğu halda, müvafiq tədbirlərin həyata keçirilməməsinə görə;
2.1.7. rayonlarda (şəhərlərdə) və digər yaşayış məntəqələrində yerləşən yaşıllıqların məhv edilməsinin və yaşıllıq ərazilərində qanunazidd digər hərəkətlərin qarşısının ona cavabdeh olan şəxslər tərəfindən alınmamasına və qanunla müəyyən edilən mühafizə tədbirlərinin görülməməsinə görə.
3. Yaşıllıqlara dəymiş ziyanın hesablanması
3.1. Yaşıllıq sahələrində ağac, kol, gül-çiçək və ot bitkilərinin (qazonların) əkilməsi üçün nəzərdə tutulan tingliklərdə və böyütmə yerlərində toxmacar, ting, gül-çiçək və ot bitkilərinin məhv olması nəticəsində dəymiş ziyanın hesablanması üçün təqsirkar olan fiziki, vəzifəli və hüquqi şəxslərə aşağıdakı qaydada miqdarlar tətbiq edilir:
3.1.1. fiziki, vəzifəli və hüquqi şəxslər tərəfindən yaşıllıqların mühafizəsi sahəsində qanunvericiliyin tələbləri pozulmaqla ağacların və kolların götürülməsi (kəsilməsi), zədələnməsi (boy artımının dayandırılması dərəcəsinədək) və ya məhv edilməsi nəticəsində dəymiş ziyanın miqdarının bu Qaydanın 1 nömrəli əlavəsinə uyğun hesablanması;
3.1.2. fiziki, vəzifəli və hüquqi şəxslər tərəfindən qanunvericiliyin tələbləri pozulmaqla yaşıllıq sahələrində davar, iribuynuzlu mal-qara və atların otarılması nəticəsində dəymiş ziyanın miqdarının bu Qaydanın 2 nömrəli əlavəsinə uyğun hesablanması;
3.1.3. fiziki, vəzifəli və hüquqi şəxslər tərəfindən qanunvericiliyin tələbləri pozulmaqla yaşıllıq ərazilərində ot bitkiləri (qazon) və gül-çiçək sahələrinin məhv edilməsi nəticəsində dəymiş ziyanın miqdarının bu Qaydanın 3 nömrəli əlavəsinə uyğun hesablanması;
3.1.4. fiziki, vəzifəli və hüquqi şəxslər tərəfindən qanunvericiliyin tələbləri pozulmaqla yaşıllıqların salınması üçün nəzərdə tutulan tingliklərdə və böyütmə yerlərində toxmacar, ting və gül-çiçək sahələrinin məhv edilməsi nəticəsində dəymiş ziyanın miqdarının bu Qaydanın 4 nömrəli əlavəsinə uyğun hesablanması.
4. Yaşıllıqlara dəymiş ziyanın ödənilməsi
4.1. Bu Qaydanın 3-cü hissəsinə əsasən yaşıllıqlara dəymiş ziyana görə hesablanmış məbləğin təqsirkar fiziki, vəzifəli və hüquqi şəxslər tərəfindən ödənilməsi üçün Naxçıvan Muxtar Respublikasının Ekologiya və Təbii Sərvətlər Nazirliyi tərəfindən yaşıllıqlara dəymiş ziyanın miqdarının hesabat sənədi rəsmi qaydada təqsirkar olan fiziki, vəzifəli və hüquqi şəxslərə göndərilir.
4.2. Yaşıllıqlara dəymiş ziyanın məbləği təqsirkar fiziki, vəzifəli və ya hüquqi şəxslər tərəfindən 30 (otuz) gün müddətində qanunvericiliyə uyğun olaraq ətraf mühitin mühafizəsi üzrə dövlət fondunun müvafiq bank hesabına ödənilməli və ödənişi təsdiq edən sənəd Naxçıvan Muxtar Respublikasının Ekologiya və Təbii Sərvətlər Nazirliyinə təqdim edilməlidir.
4.3. Yaşıllıqlara dəymiş ziyanın ödənilməsi təqsirkar fiziki, vəzifəli və hüquqi şəxslər üçün məcburidir və bununla əlaqədar mübahisələr inzibati qaydada və məhkəmə qaydasında həll edilir.
|
"Yaşıllıqlara dəymiş ziyanın hesablanması və ödənilməsi Qaydası"na
1 nömrəli əlavə |
Fiziki, vəzifəli və hüquqi şəxslər tərəfindən yaşıllıqların mühafizəsi
sahəsində qanunvericiliyin tələbləri pozulmaqla ağacların və kolların
götürülməsi (kəsilməsi), zədələnməsi (boy artımının dayandırılması
dərəcəsinədək) və ya məhv edilməsi nəticəsində dəymiş ziyanın
hesablanması üçün
M İ Q D A R
Götürülmüş (kəsilmiş), zədələnmiş (boy artımının dayandırılması dərəcəsinədək) və ya məhv edilmiş hər bir ağacın diametri, santimetrlə (torpaq səthindən götürülməklə) və kol |
Dəymiş ziyanın məbləği (manatla) |
|
tikinti və abadlaşdırma məqsədi ilə |
tikinti və abadlaşdırma istisna olmaqla |
|
4 santimetrədək (4 sm də daxil olmaqla) |
160 |
80 |
4,1-8 |
200 |
100 |
8,1-12 |
240 |
120 |
12,1-16 |
300 |
150 |
16,1-20 |
360 |
180 |
20,1-24 |
400 |
200 |
24,1-28 |
500 |
250 |
28,1-32 |
600 |
300 |
32,1-36 |
700 |
350 |
36,1-40 |
800 |
400 |
40 sm-dən yuxarı, hər santimetr üçün |
100 |
50 |
Hər kol üçün |
160 |
80 |
Qeydlər:
1. "Qırmızı Kitab"a daxil edilmiş, habelə nadir və növü kəsilmək təhlükəsi qarşısında olan ağac və kolların məhv edilməsi nəticəsində dəymiş ziyan yuxarıdakı cədvəldə verilən miqdar iyirmi dəfə artırılmaqla hesablanır.
2. Rayonlarda (şəhərlərdə) və digər yaşayış məntəqələrində yerləşən yaşıllıq sahələrində və ya respublika və yerli əhəmiyyətli avtomobil yollarının və dəmir yolunun mühafizə zolaqlarında, habelə su obyektlərinin və su təsərrüfatı obyektlərinin (su anbarları da daxil olmaqla) mühafizə zolağında yerləşən yaşıllıq sahələrində il ərzində təkrar baş verdikdə, dəymiş ziyan yuxarıdakı cədvəldə verilən miqdar iki dəfə artırılmaqla hesablanır.
|
"Yaşıllıqlara dəymiş ziyanın hesablanması və ödənilməsi Qaydası"na
2 nömrəli əlavə |
Fiziki, vəzifəli və hüquqi şəxslər tərəfindən qanunvericiliyin tələbləri
pozulmaqla yaşıllıq sahələrində davar, iribuynuzlu mal-qara və atların
otarılması nəticəsində dəymiş ziyanın hesablanması üçün
M İ Q D A R
Yaşıllıq sahələrində davar, iribuynuzlu mal-qara və atların otarılması |
Dəymiş ziyanın məbləği (manatla) |
|
ilkin olaraq |
eyni şəxs il ərzində iki və ya daha çox ziyan vurduqda |
|
Bir baş davar üçün |
15 |
30 |
Bir baş iri buynuzlu mal-qara üçün |
25 |
50 |
Bir baş at üçün |
40 |
80 |
Qeydlər:
1. Yaşıllıq ərazilərində davar, iribuynuzlu mal-qara və atların otarılması nəticəsində ağac və kolların, ot bitkiləri (qazon) və gül-çiçək sahələrinin məhv edilməsinə görə dəymiş ziyan bu Qaydanın 1 və 3 nömrəli əlavəsinə əsasən əlavə olaraq hesablanıb tətbiq edilir.
2. Rayonlarda (şəhərlərdə) və digər yaşayış məntəqələrində yerləşən yaşıllıq sahələrində və ya respublika və yerli əhəmiyyətli avtomobil yollarının və dəmir yolunun mühafizə zolaqlarında, habelə su obyektlərinin və su təsərrüfatı obyektlərinin (su anbarları da daxil olmaqla) mühafizə zolağında yerləşən yaşıllıq sahələrində il ərzində təkrar baş verdikdə, dəymiş ziyan yuxarıdakı cədvəldə verilən miqdar iki dəfə artırılmaqla hesablanır.
|
"Yaşıllıqlara dəymiş ziyanın hesablanması və ödənilməsi Qaydası"na
3 nömrəli əlavə |
Fiziki, vəzifəli və hüquqi şəxslər tərəfindən qanunvericiliyin tələbləri
pozulmaqla yaşıllıq ərazilərində ot bitkiləri (qazon) və gül-çiçək
sahələrinin məhv edilməsi nəticəsində dəymiş
ziyanın hesablanması üçün
M İ Q D A R
Məhv edilmiş ot bitkiləri (qazon) və gül-çiçəklər |
Sahə |
Dəymiş ziyanın məbləği (manatla) |
|
tikinti və abadlaşdırma məqsədi ilə |
tikinti və abadlaşdırma istisna olmaqla |
||
Ot bitkiləri (qazon) |
1 m2 |
50 |
25 |
Gül-çiçəklər |
1 m2 |
80 |
40 |
Qeyd: Rayonlarda (şəhərlərdə) və digər yaşayış məntəqələrində yerləşən yaşıllıq sahələrində və ya respublika və yerli əhəmiyyətli avtomobil yollarının və dəmir yolunun mühafizə zolaqlarında, habelə su obyektlərinin və su təsərrüfatı obyektlərinin (su anbarları da daxil olmaqla) mühafizə zolağında yerləşən yaşıllıq sahələrində il ərzində təkrar baş verdikdə, dəymiş ziyan yuxarıdakı cədvəldə verilən miqdar iki dəfə artırılmaqla hesablanır.
|
"Yaşıllıqlara dəymiş ziyanın hesablanması və ödənilməsi Qaydası"na
4 nömrəli əlavə |
Fiziki, vəzifəli və hüquqi şəxslər tərəfindən qanunvericiliyin tələbləri pozulmaqla yaşıllıqların salınması üçün nəzərdə tutulan tingliklərdə və böyütmə yerlərində toxmacar, ting və gül-çiçək sahələrinin məhv edilməsi nəticəsində dəymiş ziyanın hesablanması üçün
M İ Q D A R
Məhv edilmiş toxmacar, ting və gül-çiçək növləri |
Ölçü vahidi |
Dəymiş ziyanın məbləği (min manatla) |
|
tikinti və abadlaşdırma məqsədi ilə |
tikinti və abadlaşdırma istisna olmaqla |
||
Bir yaşlı toxmacarlar |
1 hektar |
40 |
20 |
İki yaşlı toxmacarlar |
1 hektar |
50 |
25 |
Birillik və çoxillik güllər |
1 hektar |
30 |
15 |
3 yaşınadək iynəyarpaqlı cinslərin tingləri |
100 ədəd |
2 |
1 |
3 yaşınadək enliyarpaqlı cinslərin tingləri |
100 ədəd |
3 |
1,5 |
Gilə və çəyirdəkli cinslərdən calaq edilmiş tinglər |
100 ədəd |
2,4 |
1,2 |
Qızılgül tingləri |
100 ədəd |
4 |
2 |
Qeyd: Rayonlarda (şəhərlərdə) və digər yaşayış məntəqələrində yerləşən yaşıllıq sahələrində və ya respublika və yerli əhəmiyyətli avtomobil yollarının və dəmir yolunun mühafizə zolaqlarında, habelə su obyektlərinin və su təsərrüfatı obyektlərinin (su anbarları da daxil olmaqla) mühafizə zolağında yerləşən yaşıllıq sahələrində il ərzində təkrar baş verdikdə, dəymiş ziyan yuxarıdakı cədvəldə verilən miqdar iki dəfə artırılmaqla hesablanır.